Gedig 92 - Die nuwe weg

Sal jy jou siel verkoop
vir 'n pot lensiesop
toelaat dat mense oor jou loop
jou in die gesig skop

Sê jy maklik nee
of is dit vir jou só moeilik
om 'n negatiewe antwoord te gee
dat jy in jou woorde wil verstik

Wanneer is genoeg dan genoeg
is dit tyd om terug te staan
om op te hou met swoeg
op 'n rustiger weg te gaan

Die tyd is nou
om nee te sê
jou menswees te behou
'n nuwe weg bloot te lê

Gedig 91 - My Damaskus

Vandag voel my hart bly
ek sien 'n helder lig skyn
al die wag verby
twyfel het eensklaps verdwyn

My Damaskus het gekom
ek is oppad na my nuwe stad
my lewe begin weer blom
daar is 'n lied in my hart

Ek kan van dankbaarheid juig
presies dit waarvoor ek wou vra
kan ek nou in eerbied getuig
het ek gekry voordat ek dit op kon dra

Na al my maande van twyfel
voel ek nou eintlik skaam
en moet ek dit vir jou vertel
in Jesus naam

Dit waarvan ek só lank droom
het oor my pad gekom
daarom kan ek nie skroom
en betoon ek my dankbaarheid aan Hom

As jy vandag twyfel
wil ek vir jou sê
Hy dit reeds vir jou bestel
alle begeertes wat in jou hart lê

Al wat jy nou moet doen
is om op Hom te wag
jy sal met Sy tyd moet versoen
miskien is môre jou dag