Soms wil ons weet
hoe om te vergeet
terwyl ons dink
die hartseer nader wink
Ons is maar net mens
deur innerlike swakheid begrens
hartseer is maar deel
van dit wat 'n hart weer heel
Die oggendson kom op
kruip uit sy donker dop
totdat dit helder skyn
twyfel uit ons hart verdwyn
Onweerswolke op die horison
bedek soms die son
tog bring dit reën
teken van God se seën
Só kan ons vergelyk
totdat die twyfel wyk
môre sal nuwe dinge bring
dan sal ons hart weer sing!
Subscribe to:
Post Comments (Atom)
No comments:
Post a Comment