Elke mens
het 'n bedekte wens
van voorspoed en geluk
minder lewens-druk
Vergeet eerder van die verlede
berus jou by die hede
want water onder deur die brug
kom nooit weer terug
Gryp elke dag vas
soos 'n ornament van glas
soek dit wat kosbaar is
maak dit jou lewens-lus
Wanneer die natuur fluister
wees seker dat jy luister
want die stille taal
vertel 'n verhaal
Die morester
in die hemel daar ver
vertel van hoop
waarvan die natuur oorloop
Die sekel-maan
stort 'n stille traan
wanneer hy in daglig verdwyn
tot hy vanaand weer verskyn
Die voëltjies se gekwetter
is die natuur se wekker
alles ontwaak
om 'n nuwe dag te smaak
Die hitte van die son
verhit jou mens-kokon
en sal weldrae vergestalt
in die warmte van jou hart
Die vars reuk van komende reën
vertel van ontelbare seën
en voorspel vreugde in die natuur
want die uitkoms is hier
Elke mens
word deur twyfel begrens
as hy egter rodom hom kyk
sal die twyfel wyk
No comments:
Post a Comment